SHISTAMA wajipanga kujisalimisha BASATA

SHIRIKISHO la Sanaa za Maonesho Tanzania (SHISTAMA) linajipanga kupeleka mpango kazi wake kwa Baraza la Sanaa la Taifa (BASATA) kabla ya uzinduzi wa Shirikisho hilo.

Akizungumza na Wor’Out Media jana, Rais wa Shistama, William Chitanda ‘MC Chitanda’ baada ya mipangilio kutoka BASATA, watatengeneza Kalenda itakayokuwa na mgawanyo wa majukumu ya Shirikisho hilo.

MC Chitanda alisema mikakati mingine watakayoitekeleza ni kuwatambua na kuongeza idadi ya wanachama wenye usajili unaotambulika na Shirikisho hilo.

“Tunatambua baadhi ya wasanii wengine hawajajiunga katika vyama ili Shirikisho liwe na nguvu ambayo itasongesha mbele maendeleo ya Shirikisho”, alisema MC Chitanda.

MC Chitanda alisema mikakati yao itafanikisha kukuza na kuendeleza uchumi ambako pia wanajipanga kuunda miradi kama SACCOS na Benki ya Wasanii.