Chipukizi wa nyimbo za injili nchini, Godfrey Mndeme almaarufu Mr Luck anatarajia kunogesha ibada ya shukurani itakayofanyika Septemba 10 mwaka huu katika kanisa la Safina Victory uswahilini.
Akizungumza na Wor'Out Media jana, mchungaji wa kanisa hilo, Raymond Mndeme alisema, Mr.Luck ataungana na waimbaji wengine ambao watawekwa hadharani hivi karibuni.
"Nimeandaa ibada ya pekee kwa ajili ya kumshukuru Mungu juu ya matendo makuu aliyotufanyia kanisani hapa ambapo Mr.Luck na waimbaji wengine wataimba," alisema Mndeme.
Mchungaji huyo amewataka wadau wote wa muziki wa injili kujitokeza kwa wingi siku hiyo ili wakutane na nguvu ya Mungu.
No comments:
Post a Comment