Makamu Mwenyekiti wa Chama Cha Mapinduzi (CCM) Zanzibar ambae pia ni Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi akiwa na Mkewe Mama Mariam Mwinyi na Viongozi wa CCM, akikata utepe kulifungua Jengo la Afisi ya Jumuiya ya Wazazi Wilaya ya Mfenesini Kichama, ikiwa ni Shamrashamra za Maadhimisho ya Miaka 61 ya Mapinduzi Matukufu ya Zanzibar.
Makamu Mwenyekiti wa Chama Cha Mapinduzi (CCM) Zanzibar ambae pia na Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi amezisisitiza Jumuiya za Chama hicho kuzitumia rasilimali vizuri kwa lengo la kukijengea uwezo kiuchumi.
Dk.Mwinyi ameyasema hayo alipozindua Jengo jipya la Afisi ya Jumuiya ya Wazazi ya Chama Cha Mapinduzi Wilaya ya Mfenesini, Wilaya ya Magharibi A.
Aidha Makamu Dk. Mwinyi amefahamisha kuwa Kazi za Siasa zinahitaji fedha nyingi hivyo Chama ni lazima kiwe na Miradi inayozalisha ili kujijenga Kiuchumi.
Makamu Dk.Mwinyi ameupongeza Uongozi wa Jumuiya ya Wazazi Wilaya ya Kichama Mfenesini kwa Kujenga Jengo la kisasa la Jumuiya hiyo na kuwa na dhamira ya kuanzisha Miradi ya Ushoni na Ukumbi wa shughuli mbalimbali.
Halikadhalika Dk.Mwinyi ameahidi kwa Chama cha Mapinduzi kuunga Mkono Miradi ya Kimkakati ya Itakayoanzishwa na Jumuiya zote za Chama hicho ili ziweze kujitegemea.
Akizungumzia suala la Udhalilishaji wa Kijinsia Dk, Mwinyi ametoa wito kwa jamii Kuanzia ngazi ya Familia kwa kila Mmoja kutimiza wajibu wa kukemea na kukomesha Vitendo hivyo ndani ya jamii.
No comments:
Post a Comment