Jumatano hii usiku katika mitandao ya
kijamii zilianza kuzagaa taarifa za kuvamiwa kwa studio ya Tongwe Record na
kukamatwa kwa rapper Roma Mkatoliki, Moni, producer wa Tongwe Record pamoja na
wasanii wachanga wawili ambao majina hayo hayakupatikana mara moja pamoja na
kuchukua baadhi ya vifaa vya studio hiyo.
Ikiwa
bado haijajulikana walipo wasanii hao baadhi ya mastaa wameonekana kuguswa na
tukio hilo kiasi kwamba wengi wao waliamua kuandika ujumbe mzito kupitia kurasa
zao.
Usiku huu msanii Diamond
Platnumz kupitia ukurasa wake wa Instagram ameonesha kusikitishwa na
tukio hilo na kusema haoni nchi yetu inakoelekea badala yake ameamua kumuachia
Mungu tu kwani yeye ndiye ajuaje tunakoelekea.
Ujumbe huo
ulisomeka hivi.. “Wakati mwingine natafakari sijui hata
wapi tunaelekea… lla kwakuwa Mwenyezi Mungu ndio Mpangaji wa yote basi naamini
hata hili litapita tu… Mwenyezi Mungu aipe nguvu familia ya @roma2030 na
wanamziki wenzetu wote ambao hadi sasa haijajulikana walipo..”
No comments:
Post a Comment