UEFA: Manchester City yachapwa 2-1 na Lyon nyumbani Etihad, Man Utd washinda 3-0

Kampeni ya Manchester City kwenye mashindano ya Klabu bingwa barani Ulaya imeingia doa baada kuanza vibaya kama mabingwa watetezi wa ligi kuu England akipoteza mbele ya Lyon  katika uwanja wa Etihad kwa kuchapwa 2-1.

Maxwel Cornet aliifungia Lyon goli la kwanza baada ya makosa ya Fabian Delph kushindwa kuutoa mpira nje baada ya krosi iliyopigwa na Fekir.

City ambao wanapewa kipaumbele cha kufanya vizuri kwenye Klabu bingwa walijikuta wakiongozwa kabla ya mapumziko, nahodha wa Lyon, Fekir alifunga goli la pili kwenye umbali wa mita 25 baada ya makossa kutoka kwa Fernandinho.

Bernardo Silva aliwapa matumaini City baada ya kufunga goli akisaidiwa na Leroy Sane,      lakini wenyeji walikosa bahati ya kupata mabao, wakashindwa kuepuka kupoteza mchezo    wao wa kwanza kwenye mashindano hayo makubwa Ulaya.

Matokeo kamili ya mechi za Jumatano

Ajax 3-0 AEK Athens


Shakhtar Donetsk 2-2 Hoffenheim


Benfica0-2 Bayern Munich


Man City 1-2 Lyon


Real Madrid 3-0 Roma


Viktoria Plzen 2-2 CSKA Moscow


Valencia 0-2 Juventus


Young Boys 0-3 Man Utd.