Cristiano Ronaldo, kushtakiwa kwa kukwepa kodi

Mamlaka nchini Uhispania zitamfungulia mashtaka nyota wa Real Madrid, Cristiano Ronaldo, akishutumiwa kwa kosa la kukwepa kulipa kodi kiasi cha doa za kimarekani milioni 16.5.

Waendesha mashtaka wamedai kuwa kodi iliyokwepwa ni kuanzia mwaka 2011 mpaka 2014 na inahusu mapato ya nje ya uwanja na haki za picha zake.

Mwezi Desemba, nyaraka zilizovuja zilieleza kuwa Cristiano Ronaldo amekwepa kodi kutokana na kipato chake kuwekwa kwenye akaunti za nje ya Hispania.

Ronaldo amekana shutuma hizo na msemaji wa wakala wa mchezaji huyo alisema mwezi uliopita kuwa mchezaji huyo hakuwa na chochote cha kuficha.