Klabu ya Manchester United ipo katika
mkakati wa kujitengeneza ili kurudisha heshima na kati ya maeneo ambayo kocha
wao Jose Mourinho anapambana kuyaimarisha ni eneo la ushambuliaji pamoja na
eneo la ulinzi ambalo limekuwa haliaminiki.
Katika eneo la ulinzi Mourinho kwa
muda sasa amekuwa akihusuishwa na kutaka kumsajili mlinzi wa klabu ya Benfica
na timu ya taifa ya Sweden Victor Lindelof ili kutengeneza ukuta mgumu katika
timu hiyo inayojiandaa na Champions League msimu ujao.
Taarifa rasmi kutoka katika klabu ya
Manchester United imethibitisha kwamba klabu hiyo imeshafikia makubaliano na
Lindelof na sasa kinachosubiriwa ni kwa mlinzi huyo kusafiri hadi katika jiji
la Manchester wiki ijayo kwa ajili ya kufanyiwa vipimo vya afya.
Lindelof mwenye miaka 22 ameitumikia
timu ya taifa ya Sweden michezo 12 huku akiitumikia Benfica katika michezo 47
na sas euro 32m zinamtoa Benfica na kwenda kujiunga na Manchester United.
No comments:
Post a Comment