MIMI LEO NITAKUWA MGENI WAKO

Mwanamke mmoja alikwenda kwa Mchungaji wa MUNGU kumlalamikia kuwa mumewe anawaalika wageni wengi nyumbani kwao kiasi cha kwamba amechoka kuwapikia na kuwahudumia.

Mchungaji hakumjibu kitu na yule mwanamke akaondoka.

Siku moja Mchungaji alimwita mume wake yule mwanamke na kumwambia "Mimi leo nitakuwa mgeni wako".

Yule Bwana alifurahi sana na akaenda kwa mkewe na kumwambia "Mchungaji mtumishi wa Mungu atakuwa mgeni wetu leo". 

Yule mkewe kusikia hivyo akafurahi na kumfanyia matayarisho na mapishi mazuri kwa mgeni wao mchungaji.

Baada ya makaribisho mema aliyoyapata Mchungaji akamwambia yule Bwana "Mwambie mkeo autazame mlango mimi nitakao ondokea".

Hivyo yule mwanamke akautazama mlango ambao Mchungaji mtumishi wa Mungu aliondokea akaona viumbe wote wabaya wakiondoka nyumbani kwao na kumfuata Mchungaji nyuma yake.

Yule mwanamke kuona hivyo kiasi ambacho alizimia kutokana na maajabu aliyo yaona.

Baadae yule mwanamke alikwenda tena kwa Mchungaji , akamwambia uliona nini baada ya mimi kuondoka mlangoni pale nyumbani kwenu..

Mwanamke akamwambia yote aliyoyaona alivyoondoka....

Mchungaji akamwambia "Hivyo ndivyo inavyotokea, mgeni huondoka na mabaya yote ya nyumba na viumbe vyote vibaya.

Hii ndio hekima ya Mwenye nyumba kumhudumia na kumpikia mgeni wake mpaka mwenye nyumba akachoka."

Nyumba ambayo hupata wageni wengi ni nyumba ambayo Mungu Baba anaipenda.

Hakuna kizuri kama nyumba iliyo wazi kwa watoto na wazee. Nyumba ya namna hii hupata huruma na baraka kutoka kwa Mungu Baba.

Bwana amesema kama Mungu Baba Akitaka kuwapatia wema watu wake, huwapelekea zawadi.

Wanafunzi wake Wakamuuliza " Ni zawadi gani hiyo ewe Mwalimu ?" Akawajibu "mgeni huja na vyakula vyake na huondoka na dhambi za wenyeji wake."

Hivyo ndugu zangu..kuwa mkirimu kwa wageni ni njia mojawapo ya kumpendeza Mungu Baba.