“Uchawi” wa Suguye wawatesa Waumini WRM

Nabii Suguye wa Kanisa la WRM, Kivule, Matembele ya Pili, Ukonga, Dar es Salaam

Na Gazeti Mtendakazi, WRM

Wakazi wa jiji la Dar es Salaam nan je ya jiji hilo wanaohudhuria Ibada ya mbalimbali kanisani WRM lililopo Kivule Matembele ya Pili, Ukonga chini ya uongozi wake Nabii Nicolaus Suguye wamezidi kupokea miujiza yao kutoka kwa Mungu baada ya kusumbuliwa na maradhi kwa miaka mingi bila kupona.

Nabii Suguye amekuwa msaada kwa wengi waliopata neema ya kuhudhuria Ibada Kanisani hapo;

Eliza Mwita binti aliyezaliwa akiwa kipofu alipataneema ya kuombewa na Nabii, kama maandiko yasemavyo “……wataweka mikono yao juu ya wagonjwa, nao watapata afya.” (Marko 16:18) Eliza aliweza kuona papo hapo.

Matilda Mhelela naye alikuwa na changamoto ya kuona kwa takribani mwaka mmoja, japo aliweza kutembelea hospitali nyingi kwaajili ya matibabu bila ya mafanikio, lakini kwa neema alipohudhuria ibada ya maombezi iliyoongozwa na Nabii Nicolausi Suguye, na kupita katika kisima cha Baraka na Uponyaji, shida yake ilikoma pale pale na sasa anaona kama kawaida.

Bi Cesilia Gulasa ambaye hakuweza kuitambua miaka yake kutokana na uzee, aliponywa ugonjwa wa moyo uliokuwa unamsumbua kwa miaka mitano huku akimaliza kila aina tiba bila mafanikio. Bibi huyo anasema usiku alikuwa halali kutokana na maumivu makali aliyokuwa akiyapata.

Mmoja wa wenye changamoto wanao hudhuria kanisani hapo kupokea miujiza yao

Mbali na hao watu wengine ambao Mungu aliamua kuwaponya na kujitukuza kupitia Mtumishi wake Nabii Nicolaus Suguye ni Justine Mahoka ambaye alikuwa anasumbuliwa na ugonjwa wa kansa ya mguu kwa muda mrefu na kupelekea ashindwe kutembea kutokana na mguu huo kuoza na kutoa harufu kali, alijikuta anatembea kama kawaida baada ya kufanyiwa maombi na Nabii Suguye kanisani hapo.

Naye baba mmoja aliyejulikana kwa jina moja, alijikuta anapona vidonda vya tumbo ambavyo vilikuwa vinamsumbua kila nyakati nyakati za usiku, na kutumia kila aina ya dawa bila mafanikio huku akipinga uweza wa Mungu kama anaweza kupona ugonjwa huo. Akisimuliwa mkasa huo kwa niaba ya mumewe, Maria Sande alisema kuwa mumewe kwa muda mrefu alikuwa anakaidi kwenda katika makanisa ya Kiroho kutokana na kukumbatia dini yake, hata hivyo baada ya kuzidiwa na ugonjwa huo aliomba apelekwe katika huduma hiyo kwenda kuombewa baada ya kusikia kuwa watu wengi wenye magonjwa yaliyoshindikana kibinadamu wanaponywa kwa uwezo wa Mungu.

“Yaani kweli Suguye ni Nabii wa Mungu, maana kuna vitu unaweza kusema ni maigizo lakini sio yanayotendeka pale kanisani, kwa macho yangu; kuna binti alikuwa anatumikishwa mambo ya kichawi anaitwa Bahati, wakati wa maombezi nilimuona akisukwa sukwa nikadhani anataka kutapika kama ilivyokawaida pale kanisani, kama ulishawahi kulishwa vitu vibaya kwa hali ya kawaida au ulimwengu war oho utavitapika tu na kuwa salama, basi binti Yule ajabu ya Mungu wa Suguye, alianza kutoka damu mdomoni, nikaogopa, haaa! Akaanza kutapika wembe, ajabu, na sio wembe tu, akatapika mkufu! Mwishowe akatapika sindano! Huyu Mungu wa Suguye ni noma” Alisikika Bi Fidea Hiza kutoka Dodoma, alipohojiwa na mwandishi wetu.

Naye Hasani Dunia kutoka Ambanguru Tanga; alidiriki kumuita Suguye ni kama Gurdiola mkufunzi wa timu ya Manchester City ya Uingereza; “Aaah! Suguye mchawi kama Gurdiola, yaani pale mnaposema hii kitu haiwezekani, ndipo upako wake unapowafurahisha, Suguye kama ni mchawi basi yeye ni kiboko yao, kiukweli Mungu anamtumia ipasavyo, na katika namna ya ajabu”

Mmoja wa wenye changamoto akipokea uponyaji wake

Mara kadhaa Nabii Suguye katika mahojiano mbalimbali na WRM TV husema kuwa watu wengi wamekuwa wakibeza miujiza inayotendeka katika huduma zinazotolewa na watumishi waliopakwa mafuta na Mungu, na kujikuta wanakimbilia kwa waganga wa kienyeji hali ambayo huwasababishia kupoteza fedha nyingi kwa kuwapa waganga hao huku wakikimbia huduma inayotolewa bure na Mungu.

Nabii Suguye kupitia Ibada mbalimbali zifanyikazo kanisani WRM Kivule, Matembele ya Pili, Ukonga, jijini Dar es Salaam; amekuwa msaada mkubwa kwa watu mbalimbali wanaopata neema ya kuhudhuria, kwani wenye changamoto mbalimbali za afya wanapokea uponyaji wao; wenye changamoto za uzazi na uchumi, wanashuhudia kupokea Baraka zao, hakika Mungu wa mahala hapa huwaudumia wote wajao kwa moyo thabiti bila kuangalia dini, dhehebu, kabila au ukubwa wa changamoto yako.